Íslandsmót í klassíkum kraftlyftingum var haldið í dag af Kraftlyftingafélagi Reykjavíkur. 32 keppendur mættu til leiks, 20 karlar og 12 konur. Nokkur íslandsmet féllu og var andinn góður í húsinu.
Í kvennaflokki sigraði Ragnheiður Kr. Sigurðardóttir úr Kraftlyftingafélagi Reykjavíkur með 417,7 wilks stig sem er hennar besti árangur. Hún tók 126kg í hnébeygju, 81,5 í bekkpressu og 152,5 réttstöðulyftu sem gaf henni 360kg í samanlögðu en hún keppir í -57kg flokki. Hún átti einnig bestu bekkpressu og réttstöðulyftu á mótinu. Gengur hún frá mótinu með íslandsmet í öllum greinum.
Ellen Ýr Jónsdóttir úr Breiðablik átti svo þyngstu hnébeygjuna og hún lyfti þar 167,5kg en hún keppir í -84kg flokki.
Í karlaflokki sigraði Júlían Jóhann Karl Jóhannsson úr Ármanni með 473,2 wilks stig. Hann tók 315kg í hnébeygju, 200kg í bekkpressu og 355kg í réttstöðulyftu sem gaf honum 870kg í samanlögðu en hann keppir í +120kg flokki. Hann átti einnig bestu hnébeygjuna og réttstöðulyftuna.
Einar „Loftpressan“ Guðnason frá Akranesi átti svo þyngstu bekkpressuna en hann kláraði mótið með 186,5kg bekkpressu sem er nýtt íslandsmet í -105kg flokki.
Kraftlyftingasamband Íslands óskar þeim innilega til hamingju með árangurinn! Kraflyftingafélag Reykjavíkur fær þakkir fyrir mótshald.
Full úrslit má nálgast hér:
Stigahæsta liðið í flokki kvenna var Kraftlyftingafélag Reykjavíkur
Stigahæsta liðið í flokki karla var Stjarnan