Þann 8. janúar næstkomandi milli 16:00-18:30 stendur Íþróttamannanefnd ÍSÍ fyrir vinnustofu fyrir afreksíþróttafólk á 3. hæð ÍSÍ. Markmið vinnustofunnar er að veita afreksfólkinu okkar innblástur til að fullnýta sér tækifærin sem eru á samfélagsmiðlunum og í leiðinni auka möguleika þeirra til að vekja athygli á sér.
Bryndís Rut Kristófersdóttir frá auglýsingastofunni Kontor mun halda kynningu og fara yfir áhrifaríkustu aðferðirnar til að ná árangri á samfélagsmiðlum, hvernig hægt er að bæta sína framkomu þar og í öðrum fjölmiðlum ásamt því að fara yfir hvernig hægt sé að auka líkurnar á kostuðu samstarfi. Ásamt henni verður gestafyrirlesari með erindi.
Boðið verður upp á léttar veitingar og gestir verða leystir út með gjafapoka.
Athugið takmarkað pláss í boði.
Skráningarfrestur er til 4. janúar. Skráningar skulu berast til imn@isi.is.
-Íþróttamannanefnd ÍSÍ