Úrslit

Byrjenda- og lágmarksmót KRAFT fór fram á Akranesi dag. Þar stigu sumir sín fyrstu spor á kraftlyftingaferlinum á meðan aðrir notuðu tækifærið og tryggðu sér keppnisrétt á Íslandsmeistaramótnu í maí.
ÚRSLIT: http://results.kraft.is/meet/byrjenda–og-lagmarksmot-i-kraftlyftingum-2015

Á mótinu kláraði Róbert Kjaran, Breiðablik, dómaraprófi og bætist þar með á dómaralista Kraftlyftingasambandsins.

Camilla hefur lokið keppni

Camilla Thomsen keppti í dag á HM unglinga í Ungverjalandi.
Henni tókst ekki ætlunarverk sitt, að bæta heildarárangur sinn og var það helst bekkurinn sem eyðilagði fyrir henni.
Hún byrjaði á nýju Íslandsmeti unglinga í beygju og kláraði 150 kg i fyrstu tilraun. Tvær tilraunir við 157,5 voru of grunnar.
Á bekknum setti hún öryggið í fyrirrúmi og lyfti fyrst 55 kg, en þegar hún fór í slopp
og reyndi við 80 kg mistókst henni í báðum tilraunum.
Í réttstöðu lyfti hún 145 kg í fyrstu tilraun en mistókst tvisvar með tilraun til bætingu 157,5 kg. Camilla endaði því í 10.sæti með 350 kg og 3 gildar lyftur.
Miðað við markmið verður það að teljast ákveðin vonbrigði. Sárabótin er nýtt Íslandsmet
unglinga í hnébeygju og stórt innlegg í reynslubankann.
Sigurvegari í flokknum var Olga Adamovich frá Rússlandi sem lyfti 537,5 kg

Á morgun keppir Arnhildur Anna Árnadóttir í -72 kg flokki..

Aron á pall á HM

Aron Teitsson, Grótta, keppti í dag á HM í klassiskum kraftlyftingum og átti góðan dag. Hann er orðinn reyndur keppnismaður og sýndi það í yfirveguðum og vel útfærðum lyftum. Hann kemur heim með verðlaun, þrjú ný Islandsmet og góðar bætingar í farteskinu.
Hann viktaði 91,25 kg og var með léttari mönnum í -93 kg flokknum.

Aron fékk ógilt í fyrstu tilraun í hnébeygju, en lyfti síðan 230 og 242.5 og setti þar með nýtt Íslandsmet í greininni.

Á bekknum opnaði Aron á nýju islandsmeti 180 kg og tók síðan 190 kg örugglega. Hann kláraði svo 195 með stæl í síðustu tilraun og vann með því til bronsverðlauna í greininni og bætti  Islandsmetið um 20 kg á einu bretti.

Í réttstöðu lyfti Aron fyrst 270 auðveldlega, tók svo 285 jafn örugglega. Hann reyndi við 295 í þriðju, en það var of þungt í þetta sinn.

Aron endaði þar með á nýju Íslandsmeti samanlagt 722,5 kg, 30 kg persónuleg bæting, en það gaf honum 9 sætið í  flokknum.
Baráttan um gullið var hörð og vannst á líkamsþyngd, en sigurvegari var Krzysztof Wierzbicki frá Póllandi með 847,5 kg.

Við óskum Aroni til hamingju með glæsilegan árangur.

Dagfinnur setti þrjú ný Íslandsmet

Dagfinnur Ari Normann, Stjarnan, keppti í dag á HM unglinga í klassískum kraftlyftingum í Suður-Afríku. Hann keppti í -74 kg flokki.
Dagfinnur byrjaði mjög örugglega á nýju íslandsmeti unglinga í hnébeygju, 195 kg og bætti um betur með 202,5 kg í annarri tilraun. Hann reyndi svo við 207,5 kg í þriðju en það tókst ekki i þetta sinn.
Á bekknum byrjaði Dagfinnur með 135 kg sem einnig er nýtt unglingamet.Hann átti svo tvær ógildar tilraunir við 142,5 kg.
Í réttstöðu tók hann 210 –  220 – 225 kg
Þar með endaði hann í  562,5 kg sem er persónuleg bæting og bæting á íslandsmeti unglinga um 15 kg.
Það dugði í 6. sæti. Við óskum Dagfinni til hamingju með bætingarnar.

Sigurvegarinn í flokknum var kanadamaðurinn Josh Hancott með nýtt heimsmet unglinga 681,5 kg

Á morgun lyftir Elín Melgar. Keppnin hefst kl. 7.00 að íslenskum tíma.

Einar Örn á pallinn á EM

Einar Örn Guðnason frá Kraftlyftingafélagi Akraness átti góðan dag á EM unglinga í dag. Hann vigtaði 92,45 kg í -93 kg flokki.
Einar lét ekki slaka stangarmenn slá sér út af laginu og opnaði létt á nýju Íslandsmeti unglinga í hnébeygju, 280 kg.Hann bætti síðan metið og persónulegan árangur sinn með 20 kg þegar hann lyfti 290 kg mjög örugglega í næstu tilraun. Einar átti svo mjög góða tilraun við 300 kg, en munaði hársbreidd og þriðja lyftan var dæmd ógild.
Bekkurinn er sérgrein Einars, en þar opnaði hann á 200 kg sem er jöfnun á Íslandsmeti í flokknum. Hann setti síðan nýtt unglingamet með 207,5 kg í annarri.
Í þriðju tilraun gerði hann sér lítið fyrir og lyfti 212,5 kg glæsilega, en það dugði honum til verðskuldaðra bronsverðlauna í greininni.
Í réttstöðu opnaði hann frekar klaufalega á að láta dæma 250 kg ógilt hjá sér en kláraði svo 255 kg í annari tilraun. Hann reyndi svo við 272,5 kg í síðustu en mistókst.
Einar endaði því í 6.sæti með 757,5 kg í samanlögðu. Það er nýtt Íslandsmet unglinga og persónuleg bæting um 37,5 kg og geri aðrir betur.
Sigurvegari í flokknum var Julian Lysvand frá Noregi með 825 kg

Við óskum Einari til hamingju með góða frammístöðu, ný íslandsmet og bronsverðlaun í bekkpressu.

Á morgun, sunnudag, keppir Júlían Jóhannsson og hefst keppnin kl. 8.00 á íslenskum tíma.

einarorn

Stelpurnar koma heim með íslandsmet og verðlaun

photo (1)Camilla Thomsen og Arnhildur Anna Árnadóttir hafa lokið keppni á EM unglinga í St. Pétursborg.
Camilla vigtaði 62,65 kg í -63 kg flokki. Hún opnaði á 135 kg í hnébeygju, en það er jöfnun á hennar besta árangur. Hún kláraði það örugglega, en mistókst svo tvisvar með 142,5 kg. Á bekknum gerðist nákvæmlega það sama. Hún jafnaði sinn besta árangur örugglega með 80 kg í fyrstu tilraun, en mistókst tvisvar að bæta sig með 82,5.
Í réttstöðu opnaði Camilla á 147,5. Í annari jafnaði hún sinn besta árangur með 155 kg, en það er um leið íslandsmet unglinga.  Í þriðju tilraun lagði hún allt undir í tilraun til að ná bronsinu með 165 kg, en það reyndist of þungt þrátt fyrir mikla baráttu.
Besti samanlagði árangur Camillu fyrir þetta mót var 352,5 kg, en hér endaði hún í 370 kg sem er unglingamet og góð bæting. Hún endaði í 5.sæti.

Arnhildur Anna vigtaði 71,10 kg í -72 kg flokki. Hún klikkaði á byrjunarþyngd 180 kg í hnébeygju, hækkaði svo í 185 kg í annari, mætti einbeittari og kláraði örugglega. Arnhildur endaði með 190 kg í mjög vel útfærðri þriðjulyftu. Það er nýtt íslandsmet í opnum flokki og dugði henni til bronsverðlauna í beygju.
Á bekknum byrjaði Arnhildur í 95 kg en mistókst. Hún kláraði 95 kg örugglega í annari tilraun og bað um 100 kg í þriðju, en það er jöfnun við hennar besta árangur. Sú lyfta misheppnaðist því miður, og Arnhildur endaði með 95 kg.
Í réttstöðu kláraði hún 165 kg en mistókst tvisvar með 170 kg. Samanlagt gerir það 450 kg sem er persónuleg bæting um 10 kg og nýtt íslandsmet unglinga.
HEILDARÚRSLIT
Við óskum þeim til hamingju með árangurinn.

Á morgun, laugardag, keppir Einar Örn Guðnason í .93 kg flokki. Keppnin hefst kl. 13.00 að íslenskum tíma og er hægt að fylgjast með hér: http://goodlift.info/live.php

Viktor Samúelsson norðurlandameistari

Norðurlandamót í kraftlyftingum í unglingaflokkum fór fram í Aalborg í Danmörku sl helgi.
Viktor Samúelsson, KFA, gerði sér lítið fyrir og varð stigahæstur í unglingaflokki karla. Hann lyfti 900 kg í -120 kg flokki, með seríuna 330 -260 – 310.
Hnébeygjan og samanlagður árangur eru Íslandsmet í opnum flokki, og réttstaðan er íslandsmet í unglingaflokki.
Alexandra Guðlaugsdóttir, KFA, vann bronsverðlaun í sínum flokki, -72 kg flokki unglinga. Hún lyfti 150 – 100 – 172,5 = 422,5 kg. Réttstaðan er íslandsmet unglinga.
Þorbergur Guðmundsson, KFA, keppti í +120 flokki unglinga og vann þar silfurverðlaun með seríuna 270-140-310=720 kg. Hann bætti sig í beygju og réttstöðu.
Aðrir keppendur frá Íslandi voru Fríða Björk Einarsdóttir, Camilla Thomsen og Einar Hannesson. Þau lentu öll í vandræðum og tókst ekki að klára mótið. Þau koma heim reynslunni ríkari og með verkefni á næstu æfingar.
NM 2014 Junior og Sub-Junior - Álaborg, Danmörk

Norðmenn mættu með öflugt lið í keppnina og unnu liðaverðlaunin bæði í kvenna- og karlaflokki.
Svíin Calle Nilsson setti heimsmet drengja í bekkpressu þegar hann lyfti 255,0 kg í +120 kg flokki.
Hér má sjá heildarúrslit.

ÍM í klassískum kraftlyftingum – úrslit

Íslandsmeistarar í klassískum kraftlyftingum 2014 eru Elín Melgar og Aron Teitsson, bæði frá Gróttu.
Í kvennaflokki voru stigahæstar
Elín Melgar, Grótta – Tinna Rut Traustadóttir, Grótta – Rósa Birgisdóttir, Stokkseyri
Í karlaflokki:
Aron Teitsson, Grótta – Sigfús Fossdal, KFV – Dagfinnur Normann, Stjarnan
Stigahæsta liðið var Grótta.
Mótið fór fram á Ísafirði í gær og luku 20 keppendur keppni.
Hér má sjá HEILDARÚRSLIT    

Á mótinu hófst skráning Íslandsmeta, og fékk Elín þann heiður að setja fyrsta klassíska íslandsmetið. KLASSÍSK MET

Við óskum sigurvegurum og methöfum til hamingju með árangurinn. 

 

ÍM – úrslit

Íslandsmeistaramótið í bekkpressu lauk fyrir stundu. Bikarmeistari kvenna var Fanney Hauksdóttir, Gróttu. Bikarmeistari karla var Sigfús Fossdal, Víkingi. Stigahæsta liðið var Grótta.
HEILDARÚRSLIT: http://results.kraft.is

Í stigakeppni RIG sigarði Inger Blikra frá Noregi í kvennaflokki á nýju norsku meti í -84,0 kg flokk kvenna 152,5 kg á undan Fanney Hauksdóttur og Maríu Guðsteinsdóttur.
Í karlaflokki sigarði Sigfús Fossdal á undan Kjell Egil Bakkelund frá Noregi og Viktor Samúelsson frá KFA.

Myndir og nánari fréttir koma fljótlega

Ragnheiður og Sigfús bikarmeistarar

Bikarmót KRAFT fór fram í íþróttahúsi Breiðabliks í dag að viðstöddu fjölmenni.

Bikarmeistari í kvennaflokki varð Ragnheiður Kr. Sigurðardóttir, Grótta, sem hlaut 465,7 stig, en í karlaflokki sigraði Sigfús Fossdal, KFV, með 536,1 stig.
Liðabikarinn fór til Gróttu. Við óskum þeim öllum til hamingju.
HEILDARÚRSLIT.
MYNDIR 

Á mótinu var kraftlyftingadeild Breiðabliks sæmd heitinu fyrirmyndarfélag ÍSÍ, en það er þriðja kraftlyftingafélagið sem nær þeim áfanga.