Norðurlandamót unglinga á næsta leiti

Norðurlandamót unglinga í kraftlyftingum með og án búnaðar fara fram í Portainen, Finnlandi 20 – 21 febrúar nk.
Matthildur Óskarsdóttir, Grótta og Dagfinnur Ari Normann, Stjarnan keppa fyrir Íslands hönd án búnaðar. Í kraftlyftingum með búnaði keppa Blikarnir Guðfinnur Snær Magnússon og Daníel Geir Einarsson og Sindri Freyr Arnarson, Massi

Hér má finna upplýsingar um keppendur og tímaplan.https://npfpower.wordpress.com/

Landsliðsval á Norðurlandamótið

Valið í landsliðið fyrir opna Norðurlandamótið í kraftlyftingum og bekkpressu liggur nú fyrir. Mótin fara fram í Njarðvíkum í lok.ágúst nk í umsjón kraftlyftingadeild Massa og eru á mótaskrá IPF.

Konur NM í kraftlyftingum
52 kg Ragnheiður Kr. Sigurðardóttir Grótta 373,5
57 kg Hildur Sesselja Aðalsteinsdóttir Grótta 347,5
72 kg María Guðsteinsdóttir Ármann 472,5
84 kg Alexandra Guðlaugsdóttir KFA 445,0
+84kg Rósa Birgisdóttir Stokkseyri 430,0

Karlar NM í kraftlyftingum 
74 kg Hörður Birkisson Massi 510,0
74 kg Sindri Freyr Arnarsson Massi
83 kg Halldór Eyþórsson Breiðablik 612,5
83 kg Daði Már Jónsson Massi 600,0
93 kg Aron Lee Du Teitsson Grótta 790,0
120 kg Viktor Samúelsson KFA 905,0
+120kg Auðunn Jónsson Breiðablik 1057,5
+120kg Sigfús fossdal KFV 987,5

Konur NM í bekkpressu 
57 kg Tinna Rut Traustadóttir Grótta
63 kg Fanney Hauksdóttir Grótta 115,0
72 kg María Guðsteinsdóttir Ármann 115,0
+84 kg Rósa Birgisdóttir Stokkseyri 120,0

Karlar NM í bekkbressu 
74 kg Dagfinnur Ari Stjarnan 162,5
+120 kg Sigfús Fossdal KFV 322,5

Viktor Samúelsson norðurlandameistari

Norðurlandamót í kraftlyftingum í unglingaflokkum fór fram í Aalborg í Danmörku sl helgi.
Viktor Samúelsson, KFA, gerði sér lítið fyrir og varð stigahæstur í unglingaflokki karla. Hann lyfti 900 kg í -120 kg flokki, með seríuna 330 -260 – 310.
Hnébeygjan og samanlagður árangur eru Íslandsmet í opnum flokki, og réttstaðan er íslandsmet í unglingaflokki.
Alexandra Guðlaugsdóttir, KFA, vann bronsverðlaun í sínum flokki, -72 kg flokki unglinga. Hún lyfti 150 – 100 – 172,5 = 422,5 kg. Réttstaðan er íslandsmet unglinga.
Þorbergur Guðmundsson, KFA, keppti í +120 flokki unglinga og vann þar silfurverðlaun með seríuna 270-140-310=720 kg. Hann bætti sig í beygju og réttstöðu.
Aðrir keppendur frá Íslandi voru Fríða Björk Einarsdóttir, Camilla Thomsen og Einar Hannesson. Þau lentu öll í vandræðum og tókst ekki að klára mótið. Þau koma heim reynslunni ríkari og með verkefni á næstu æfingar.
NM 2014 Junior og Sub-Junior - Álaborg, Danmörk

Norðmenn mættu með öflugt lið í keppnina og unnu liðaverðlaunin bæði í kvenna- og karlaflokki.
Svíin Calle Nilsson setti heimsmet drengja í bekkpressu þegar hann lyfti 255,0 kg í +120 kg flokki.
Hér má sjá heildarúrslit.

Norðurlandamót unglinga á laugardag

Laugardaginn 22.febrúar nk fer Norðurlandamót unglinga fram í Aalborg í Danmörku.
Frá Íslandi mæta eftirtaldir keppendur:
Camilla Thomsen, -63 kg flokki unglinga, Alexandra Guðlaugsdóttir, -72 kg flokki unglinga, Fríða Björk Einarsdóttir, -84 kg flokki stelpna, Einar Hannesson, -105 kg flokki unglinga, Viktor Samúelsson -120 kg flokki unglinga og Þorbergur Guðmundsson, +120 kg flokki unglinga.
KEPPENDALISTI.

Við óskum þeim góðs gengis!

Norðurlandamót unglinga

Endanlegur keppendalisti á Norðurlandamót unglinga í kraftlyftingum sem fram fer í Aalborg í Danmörku 22.febrúar nk liggur nú fyrir.

http://npfpower.wordpress.com/

6 íslenskir keppendur taka þátt, Camilla Thomsen, Alexandra Guðlaugsdóttir, Fríða Björk Einarsdóttir, Einar Hannesson, Viktor Samúelsson og Þorbergur Guðmundsson.
Camilla er í Gróttu, en allir hinir keppendurnir eru frá KFA á Akureyri.

Góður árangur unglingalandsliðsins á Norðurlandamóti í kraftlyftingum

Island eignaðist í gær þrjá Norðurlandameistara í kraftlyftingum í unglingaflokkum.

Fanney Hauksdóttir frá Gróttu sigraði í -57 kg flokki kvenna með 310 kg. Fanney er sérstaklega sterk í bekkpressu. Hún lyfti 107,5 kg í gær og átti tilraun við nýtt íslandsmet 112,5 kg. Það er stutt frá Norðurlandametinu í greininni og vakti bekkpressur hennar athygli hinna Norðurlandaþjóðanna sem sáu þar konu sem þau þurfa að reikna með á næstu árum.

Arnhildur Anna Árnadóttir, líka úr Gróttu, náði bronsverðlaun í -72,0 kg flokki kvenna með 410 kg og uppskar laun erfiðisins undanfarið með frábærum bætingum. Hún var fjórða stigahæsta konan á mótinu.

Alexandra Guðlaugsdóttir, KFA, vann silfurverðlaun í -84 kg flokki með 407,5 kg og bætingum í öllu greinum.

Saman unnu stelpurnar til bronsverðlauna í liðakeppni kvenna, en það mun vera í fyrsta sinn í manna minnum að íslenskt kvennalið stígur á verðlaunapall á alþjóðamóti í kraftlyftingum.

Sindri Freyr Árnason úr Massa varð Norðurlandameistari í -66,0 kg unglingaflokki karla með 490 kg og Guðfinnur Snær Magnússon, hinn efnilegi drengur úr Breiðablik vann titilinn í -120 kg flokki drengja með 537 kg. Þeir voru báðir að keppa í fyrsta sinn á móti af þessari stærðargráðu og stóðu sig með miklum sóma.

Í -74 kg flokki unglinga vann Dagfinnur Ari Normann frá Kraftlyftingafélagi Garðabæjar  til bronsverðlauna með 592,5 kg sem er persónuleg bæting. Daði Már Jónsson, Massi, lenti í fjórða sæti með 535 kg. Daði hefur átt betri daga, en miklar og góðar æfingar undanfarið eiga eftir að skila sér þó síðar verði.

Tveir efnilegir Massa-strákar í viðbót kepptu fyrir Íslands hönd. Ólafur Hrafn Ólafsson bætti sig í öllum greinum og endaði í fjórða sæti í -93 kg flokki með 715,0 kg. Til samanburðar má geta að Ólafur tók þátt í Norðurlandamóti í fyrra og hafnaði þá í 6.sæti með 647,5 kg. Félagi hans Þórvarður Ólafsson keppti í -120 kg flokki og vann þar til bronsverðlauna með 755 kg eftir harðri atlögu að silfrinu.

Daníel Geir Einarsson, Breiðablik, átti sitt besta mót nokkru sinni og lyfti 737,5 kg í -120 kg flokki. Daníel hefur átt það til að detta úr keppni vegna tæknimistaka í ýmsum greinum, en í þetta sinn mætti hann vel undirbúinn og kláraði mótið með öruggum glæsibrag.

Einar Örn Guðnason, Akranesi og Viktor Samúelsson, KFA hafa báðir keppt á alþjóðamótum áður. Viktor jafnaði besta árangur sinn og lyfti 795 kg í -105 kg flokki. Með 295 kg í síðustu réttstöðulyftu náði hann silfrinu úr greipum norðmanna.  Einar Örn lyfti 752,5 kg sem er persónuleg bæting og það dugði í  4.sæti í þessum flokki.

Helsta von heimamanna í Ármannsheimilinu brást þegar Júlíani J.K. Jóhannssyni varð á að detta úr í hnébeygju í +120,0 kg flokki. Júlían er á leið á Evrópumót unglinga í maí og fékk þarna verkefni til að vinna úr. Hann kláraði samt lyftum í hinum greinunum, lyfti 247,5 kg á bekknum og kom svo öllum, ekki síst sjálfum sér á óvart með því að fá tvö hvít ljós á 350 kg í réttstöðulyftu og setja með því eftirminnilegan endapunkt á mótinu.

Grétar Hrafnsson, landsliðsþjálfari, var mjög ánægður með daginn og sagði hann hafa farið fram úr hans björtustu vonum. Flestir keppendur bættu sig og allir öðluðust dýrmæta reynslu sem mun flýta fyrir frekari framförum.

Það er sérstaklega ánægjuleg staðreynd að sjö íslensk kraftlyftingafélög áttu keppendur á þessu móti. Það sýnir betur en nokkuð annað að efniviðurinn finnst víða og markviss uppbygging og æfingar skila sér svo um munar.
Meðal aðstoðarmanna á mótinu voru 6 einstaklingar sem með þessu voru að ljúka þjálfara 1 námi Kraftlyftingasambandsins. Þeirra þekking og reynsla mun verða styrkur í þeirri uppbyggingu.

Við óskum öllum sem þátt tóku til hamingju með mótið.
Stjórn KRAFT getur ekki fullþakkað öllum þeim sem lögðu hönd á plóginn við framkvæmd mótsins.

Norðurlandamót unglinga – úrslit

Norðurlandamót unglinga var haldið í dag í Laugabóli, íþróttahús Ármenninga.

ÚRSLIT

Stigahæsti keppandi í stúlknaflokki var Krista Määttää frá Finlandi.
Stigahæsti keppandinn í drengjaflokki var Eddi Berglund frá Svíþjóð.
Stigahæsta konan í unglingaflokk var Linn Ark frá Svíþjóð.
Stigahæsti karlinn í unglingaflokki var Joachim Lindseth frá Noregi.

Norðmenn áttu sterkasta kvennaliðið en Svíar sigruðu í liðakeppni karla.

Norðurlandamót unglinga 2013

Norðurlandamót í kraftlyftingum í drengja/stúlkna og unglingaflokkum verður haldið í Laugabóli, Íþróttamiðstöð Ármenninga laugardaginn 23.febrúar nk.
Keppni í kvennaflokkum og léttari flokkum karla hefst kl. 10.00. Keppni í karlaflokkum -93kg – +120 kg hefst kl. 15.30.
KEPPENDALISTAR
Frá Íslandi mæta til leiks:
DRENGJAFLOKKUR
– 120 kg Guðfinnur Snær Magnússon, Breiðablik
UNGLINGAFLOKKUR KVENNA
– 57 kg Fanney Hauksdóttir, Grótta
– 63 kg Anna Margrét Kristinsdóttir, Breiðablik
– 72 kg Arnhildur Anna Árnadóttir, Grótta
– 84 kg Alexandra Guðlaugsdóttir, Kraftlyftingafélag Akureyrar
UNGLINGAFLOKKUR KARLA
– 66 kg Sindri Freyr Arnarson, UMFN Massi
– 74 kg Daði Már Jónsson, UMFN Massi
– 74 kg Dagfinnur Ari Normann, Kraftlyftingafélag Garðabæjar – Heiðrún
– 93 kg Ólafur Hrafn Ólafsson, UMFN Massi
– 105 kg Viktor Samúelsson, Kraftlyftingafélag Akureyrar
– 105 kg Einar Örn Guðnason, Kraftlyftingafélag Akraness
– 120 kg Þorvarður Ólafsson, UMFN Massi
– 120 kg Daníel Geir Einarsson, Breiðablik
+120 kg Júlían J.K. Jóhannsson, Ármann