Mótaskrá Kraftlyftingasambandsins fyrir næsta keppnistímabil er klár og má finna hér: http://results.kraft.is/meets
Ennþá vantar mótshaldara að Byrjenda- og lágmarksmótið 21.febrúar og Íslandsmeistaramót unglinga og öldunga í kraftlyftingum 21.mars.
Félög sem vilja taka þessi míkilvægu mót að sér eru beðin um að hafa samband við mótanefnd eða stjórn KRAFT sem fyrst.
KFA hefur í samráði við mótanefnd KRAFT ákveðið að breyta dagsetningu á ÍM unglinga í klassískum kraftlyftingum. Mótið fer fram á Akureyri dagana 20.og 21.september nk.
Keppnin verður tvískipt. Annarsvegar íslandsmeistaramót drengja og stúlkna flokki (14-18 ára) á laugardeginum og hinsvegar unglingaflokki kvenna og karla (19-23 ára) á sunnudeginum.
Ný dagsetning hefur verið ákveðin fyrir opna Ísafjarðarmótið í klassískri bekkpressu og réttstöðulyftu.
Mótið verður haldið 14.júni nk. og er opið öllum félögum.
Mótanefnd KRAFT hefur úthlutað mótum á næsta keppnistímabil og mótaskrá 2014 hefur verið birt.
MÓTASKRÁ 2014
Kraftlyftingafélag Seltjarnarness, Zetórar, hafa ákveðið að fella niður áður auglýst Seltjarnarnesmót í klassískri bekkpressu sem til stóð að halda 12.oktober nk.
Tilkynning um þetta hefur verið send til allra félaga.
Frestur til að skila inn umsóknir um mót á mótaskrá fyrir næsta keppnistímabil er til 1.september. Þá tekur mótanefndin til starfa við að úthluta og raða mótum. Reglur gera ráð fyrir að mótaskráin liggi fyrir 1.oktober.
Umsókn skal send á formann mótanefndar, María Guðsteinsdóttur, [email protected] með afrit á [email protected]
Mótanefnd KRAFT hefur birt drög að mótaskrá fyrir 2014 og 2015.
Þar eru nokkrar breytingar frá því sem hefur verið undandfarin ár. Búið er að færa sum mót framar á dagatalinu og bætt hefur verið við Íslandsmeistarmót unglinga í klassískum kraftlyftingum í oktober. Íslandsmeistaramótið í mars verður áfram opið og aldurskipt eins og undanfarin ár.
Það er tímabært fyrir félög að byrja að hugsa um mótahald næsta árs. Mótshaldari vantar á öll stóru mótin og svo eru eflaust félög sem vilja fá sín mót á listann. Við viljum benda félögum á þann augsljósa ávinning sem er af því að sameinast um mótahald.
Beiðni um að koma mótum inn á skrá þarf að berast fyrir 1.september árið á undan. http://kraftis.azurewebsites.net/mot/motaskra/
Að gefnu tilefni vegna fyrirspurna sem stjórn KRAFT hafa borist svo og til að koma í veg fyrir allan misskilning vill stjórn KRAFT árétta eftirfarandi:
Kraftlyftingafélag Akureyrar (KFA) hefur auglýst að félagið hyggist halda Íslandsmeistaramót unglinga (19-23) og yngri unglinga (14-18) í kraftlyftingum (án búnaðar) helgina 13 – 14 apríl 2013. Stjórn Kraftlyftingasambands Íslands (KRAFT) hefur ekki samþykkt framangreint mót og mótið er ekki á mótaskrá KRAFT. Aðeins KRAFT eða félög sem stjórn KRAFT hefur samþykkt sem mótshaldara viðkomandi móts geta haldið Íslandsmeistaramót í kraftlyftingum. Mótið er því ekki Íslandsmeistaramót í kraftlyftingum og þar sem mótið er ekki á mótaskrá mun enginn árangur eða titill verða færður í skrár KRAFT.
Á fundi sínum í dag gerði stjórn KRAFT breytingu á mótaskrá 2013 í samræmi við samþykkt á kraftlyftingaþingi 19.janúar sl. Íslandsmeistaramót í klassískum kraftlyftingum verður haldið á Seltjarnarnesi 4.maí nk.
Um framkvæmd þessa móts gilda sömu reglur og um framkvæmd Íslandsmóts í búnaði. Það þýðir m.a. að til að vera hlutgengir á mótið þurfa keppendur að vera skráðir í Felix í sínu félag a.m.k. þrjá mánuði fyrir mót, eða í síðasta lagi 4.febrúar.
Mótaskrá 2013 má finna hér: http://results.kraft.is/meets/2013
Hér eru skráð innanlandsmót KRAFT og alþjóðamót NPF, EPF og IPF.
Í viðbót við þessi mót má gera ráð fyrir að mörg félög muni halda innanfélagsmót sem verða auglýst á þeirra vegum þegar þar að kemur.