María hefur lokið keppni

María Guðsteinsdóttir keppti í dag á heimsmeistaramótinu í bekkpressu sem fer fram í Tókýó, Japan. María keppti í klassískri bekkpressu og er hún -57kg flokki kvenna masters 1 (40-49 ára). Í fyrstu lyftu lyfti hún María 65kg og í annarri lyftu lyfti hún 67,5kg. Hún reyndi svo við 70kg í síðustu lyftunni en það reyndist of þungt í dag. Hún lauk því mótinu í 8. sæti með 67,5kg lyftu og með 578,4 IPF stig.

María í einbeitt undir stönginni – skjáskot úr beinni útsendingu IPF