Laust starf

Kraftlyftingasamband Íslands leitar að íþróttastjóra í 20% starfi.
Aðalverkefni íþróttastjóra er að hafa umsjón með landsliðsverkefnum. Hún/hann tekur þátt í keppnisferðum eftir samkomulagi.

Krafist er góðrar þekkingar og reynslu á íþróttinni, frumkvæðis, árangursdrifni og góðra samskiptahæfileika. Leggja þarf fram sakavottorð er þess krafist.

Öll verkefni íþróttastjóra eru unnin í samræmi við lög og reglur KRAFT, ÍSÍ, IPF og WADA, í samráði við stjórn og landsliðsnefnd og samkvæmt fjárhagsáætlun.

Kraftlyfingasamband Íslands/ KRAFT er æðsti aðili kraftlyftinga á Íslandi og er sérsamband innan Íþrótta- og Ólympíusambands Íslands. KRAFT á aðild að NPF (Kraftlyftingasamband Norðurlanda), EPF (Kraftlyftingasamband Evrópu) og IPF (Alþjóða Kraftlyftingasambandið). Nánar má lesa um KRAFT og hlutverk þess á heimasíðu sambandsins: kraft.is

Íþróttastjóri hefur aðstöðu á skrifstofu sambandsins.

Nánari upplýsingar veitir Gry Ek formaður KRAFT, [email protected]

Umsókn skal senda á [email protected] fyrir 1.maí