Ingimundur með nýtt Íslandsmet

Ingimundur Björgvinsson, Gróttu, keppti í dag á HM í bekkpressu. Hann vigtaði 103,3 kg í -105 kg flokki og endaði í 12. sæti í flokknum sem var fjölmennur og sterkur, og þurfti 300 kg til að ná 6.sætinu.

Ingimundur opnaði á nýju Íslandsmeti 250,0 kg. Hann reyndi síðan við 260 kg í næstu tilraun og svo 265 kg án árangurs og endaði þannig með 250,0 kg.
Ingimundur hafði ætlað sér stærri hluti, en það koma dagar eftir þennan dag.
Hann kemur heim með nýtt Íslandsmet og dýrmæta reynslu og við óskum honum til hamingju með það.

Eftir spennandi lokasprett sigraði Vitaliy Kireev frá Rússlandi með 312,5 kg á undan Petri Kuosma frá Finlandi og Mikael Lundin frá Svíþjóð.
http://goodlift.info/scoresheets/scoresheet_m.htm