Category Archives: Frettir

Fanney keppir á morgun

Posted on by

Nú stendur yfir Heimsmeistaramót í bekkpressu í Kaunas í Litháen. Keppt er í opnum og aldurstengdum flokkum karla og kvenna.
Tveir íslenskir keppendur taka þátt: Fanney Hauksdóttir, Grótta, sem keppir í -63,0 kg flokki unglinga og Ingimundur Björgvinsson, Grótta, sem keppir í -105,0 kg opnum flokki.
BEIN VEFÚTSENDING ER FRÁ MÓTINU

FanneyFanney keppir á morgun, þriðjudag kl 10.00 á íslenskum tíma.
Fanney er 21 árs gömul og vakti strax á sínu fyrsta móti athygli fyrir styrk sinn í bekkpressu. Hún er ríkjandi íslandsmeistari í greininni og á best 115,0 kg í -63,0 kg flokki. Það er íslandsmet bæði í únglinga- og opnum flokki.

Við krossum fingur á morgun og vonum að Fanney nái út úr sér öllu því sem hún hefur lagt inn fyrir á æfingum undanfarið.

Lyfjamál – ábyrgð iðkenda

Posted on by

Kraftlyftingasamband Íslands er aðili að ÍSÍ og IPF og fylgir í öllu þeim reglum sem þar gilda um lyfjamál.
Allir iðkendur, stuðningsmenn, stuðningsaðilar og yfirvöld eiga að geta treyst því að innan okkar raða er notkun stera og annara ólöglegra efna stranglega bönnuð og unnið gegn slíku með öllum tiltækum ráðum í nánu samstarfi við lyfjaeftirlitið. Í þessari vinnu þurfa allir að leggja sitt af mörkum, hver á sínum stað.
Kraftlyftingafélögin eiga að marka sér skýra stefnu í lyfjamálum og upplýsa sína félagsmenn um hvaða reglur þeir eiga að fara eftir. Hver einstakur iðkandi þarf að vera meðvitaður um sína persónulega ábyrgð, en sem félagsmaður innan KRAFT getur hann þurft að mæta í lyfjapróf hvar og hvenær sem er, og vanþekking er ekki gild afsökun.

Formannafundur haldinn 10.maí hvetur öll félög til að láta iðkendur sína skrifa undir þennan texta til að tryggja að þeir átti sig á ábyrgð sinni – og til að setja þennan eða svipaðan texta upp á áberandi stað á æfingarstöðinni. 

Íslandsmeistaramótið í klassískum kraftlyftingum – úrslit

Posted on by

Úrslit liggja nú fyrir í hinum ýmsu þyngdarflokkum á Íslandsmeistaramótinu í klassískum kraftlyftingum sem fram fór á Seltjarnarnesi í gær, 11. maí.
HEILDARÚRSLIT
Stigaverðlaun kvenna hlaut Arndís María Erlingsdóttir, Gróttu, á undan Rósu Birgisdóttur, Stokkseyri og Ragnheiði Kr. Sigurðardóttur, Gróttu.
Í karlaflokki hlaut Sigfús Fossdal, Víkingi Ísafirði, stigabikarinn á undan Óðni Þorsteinssyni, Breiðablik og Einari Guðnasyni, Akranesi.
Við óskum öllum sigurvegurum til hamingju með árangurinn.

Í útreikningi å stigaverðlaunum kvenna áttu sér stað alvarleg mistök. Martröð allra mótshaldara varð að veruleika og verðlaunin voru ranglega afhent í lok móts. Rósa Birgisdóttir, Stokkseyri, var lýstur sigurvegari en Arndís Erlingsdóttir hafði í raun fengið fleiri stig. Mótshaldari hefur beðið þær báðar innilega afsökunar á þessu og ekki er hægt annað en að taka undir þeim orðum.

Auðunn vann til bronsverðlauna á EM

Posted on by

Auðunn Jónsson, Breiðablik, háði harða baráttu um gullið í +120,0 kg flokki á EM í Tékklandi í dag. Hann reyndi við 372,5 í síðustu lyftu, en það hefði dugað í fyrsta sætið samanlagt. Það gekk ekki, en 352,5,0 kg í réttstöðu dugði í gullverðlaun í greininni og bronsverðlaun samanlagt. Sigurvegari var finninn Kenneth Sandvik.
Auðunn lyfti 405 – 282,5 – 352,5 = 1040,0 kg
Hann fékk silfur í beygju, brons í bekkpressu og gull í réttstöðu, og s.s. bronsverðlaun samanlagt.
Við óskum honum til hamingju með frábæran árangur.
Heildarúrslit

photo (2)

Helgi Hauksson bætir við sig

Posted on by

helgiHelgi Hauksson, alþjóðakraftlyftingadómari úr Breiðablik, þarf að fjárfesta í nýtt bindi eftir að hafa staðist Cat.1 dómaraprófi IPF á EM í dag.
Helgi hefur haft Cat.2 status um árabil og var kominn tími til að hann léti til sín taka á efsta stigi.
Helgi hefur lagt drjúgan skerf til uppbyggingarstarfsins innan KRAFT og ætlar að halda því áfram. Við óskum honum til hamingju með daginn. Rauði liturinn mun fara honum vel!

ÍM – tímasetningar

Posted on by

Á ÍM í klassískum kraftlyftingum  verður skipting í holl og tímasetningar sem hér segir:

Vigtun kl. 08.00 – Start kl. 10.00

Holl 1: Konur -72 – 84+ og karlar -83
Holl 2: Konur -52 – 63

Vigtun kl. 11.00 – Start kl. 13.00

Holl 3: Karlar -59, -74 og -93
Holl 4: Karlar -105 – 120+

Þó nokkrir keppendur eru að koma á sitt fyrsta kraftlyftingamót. Undirstöðuatriði er að vera með allar keppnisreglur á hreinu og vita nákvæmlega hvaða reglur gilda á klassískum mótum.

ÍM í klassískum kraftlyftingum á morgun

Posted on by

im13Laugardaginn 11.maí er merkilegur dagur í sögu kraftlyftinga á Íslandi, en þá verður haldið fyrsta Íslandsmeistarmótið í klassískum kraftlyftingum í íþróttahúsinu á Seltjarnarnesi.
Mótið hefst kl. 10.00 með keppni í kvennaflokkum og stendur fram eftir degi, en 50 keppendur eru skráðir til leiks.
Mótshaldari er kraftlyftingadeild Gróttu, en þetta er jafnframt fyrsta mót sem deildin heldur og má búast við miklu fjöri og skemmtilegri keppni – við hvetjum alla áhugamenn um kraftlyftingar að mæta og styðja sína menn.

Auðunn lyftir á morgun

Posted on by

Auðunn Jónsson, Breiðablik, keppir á Evrópumótinu í kraftlyftingum á morgun, laugardag. Auðunn keppir í +120,0 kg flokki og hefst keppnin kl. 9.00 á íslenskum tíma. Hægt er að fylgjast með á netinu: http://goodlift.info/live.php

Auðunn verður í baráttunni um verðlaun og er í góðu formi samkvæmt nýjustu fréttum. Góðar framfarir á bekknum eykur á bjartsýni manna, en miðað við skráningartölur má búast við að helstu keppinautar Auðuns verði góðkunningar hans frá Norðurlöndum, finninn Sandvik og norðmaðurinn Bårtvedt.

Við sendum kraftakveðjur til íslenska liðsins!

María í 6.sæti með tvö ný íslandsmet

Posted on by

1825María Guðsteinsdóttir, Ármanni, keppti á Evrópumeistaramótinu í Tékklandi í dag. Hún lenti í 6. sæti í -72,0 flokki þar sem hún vigtaðist 68,44 kg.
María byrjaði af krafti og átti mjög góða beygjuseríu: 170 – 177,5 – 182,5 sem er 17,5 kg bæting á hennar eigin íslandsmeti í flokknum. Á bekknum endaði hún í 110,0 kg eftir að hafa misst 112,5 í síðustu tilraun. Í réttstöðunni þurfti hún tvær tilraunir með byrjunarþyngd en kláraði svo 172,5 kg í þriðju tilraun.
Samanlagt gerir það 465,0 kg sem er nýtt íslandsmet og 7,5 kg persónuleg bæting í flokknum.
Við óskum Maríu til hamingju með metin og bætingarnar.

Sigurvegari í flokknum var hin danska Annette Pedersen.