ÍM í kraftlyftingum – Tímasetningar

Íslandsmeistaramót í kraftlyftingum og Íslandsmeistaramót ungmenna og öldunga í kraftlyftingum fara fram í Smáranum, Kópavogi, 22. apríl og hefst keppni kl. 11:00.

Facebook-viðburður fyrir mótin.

Tímasetningar og skipting í holl:

Holl 1: Allir þyngdar- og aldursflokkar kvenna
Holl 2: Allir þyngdar- og aldursflokkar karla

Vigtun holl 1 og 2: 09:00
Keppni holl 1 og 2: 11:00

Dómarar

Helgi Hauksson
Kári Rafn Karlsson
María Guðsteinsdóttir
Solveig H. Sigurðardóttir

Keppendur

Íslandsmeistaramót í kraftlyftingum
Íslandsmeistaramót ungmenna og öldunga í kraftlyftingum

ÍM í kraftlyftingum – Keppendalistar

Skráningum er lokið á Íslandsmeistaramót í kraftlyftingum og Íslandsmeistaramót ungmenna og öldunga, sem haldin verða í Smáranum, Kópavogi, laugardaginn 22. apríl. Félög hafa nú frest til 8. apríl til að gera þyngdarflokkabreytingar og ganga frá greiðslu keppnisgjalda.

Íslandsmeistaramót í kraftlyftingum – Keppendalisti

Íslandsmeistaramót ungmenna og öldunga í kraftlyftingum – Keppendalisti

Úrslit ÍM ungmenna og öldunga í klassískum kraftlyftingum

Íslandsmeistaramót ungmenna og öldunga í klassískum kraftlyftingum fór fram í gær, samhliða ÍM í klassískum kraftlyftingum í opnum flokki, í Word Class Kringlunni.

Keppendur voru 24 talsins, þeir yngstu fæddir 2000 og þeir elstu 1952. Fjölmörg Íslandsmet voru slegin í hinum ýmsu aldurs- og þyngdarflokkum. Þar að auki setti Svavar Örn Sigurðsson (AKR), sem keppir í 74 kg flokki drengja (U18), met í opnum aldursflokki í hnébeygju og réttstöðulyftu.

Stigahæst keppanda í telpnaflokki (U18) varð Ragna Kristín Guðbrandsdóttir (KFR) með 325,8 Wilksstig, sem jafnframt varð Íslandsmeistari í 63 kg flokki með 297,5 kg í samanlögðum árangri. Hún setti Íslandsmet í bekkpressu með 60 kg, í réttstöðulyftu með 127,5 kg og í samanlögðum árangri.

Stigahæstur keppenda í drengjaflokki (U18) varð Svavar Örn Sigurðsson (AKR) með 422,0 Wilksstig, en hann varð jafnframt Íslandsmeistari í 74 kg flokki með 577,5 kg. Hann setti drengjamet í öllum greinum, sem og samanlögðum árangri. Honum tókst einnig að slá Íslandsmetin í unglinga og í opnum flokki í hnébeygju með 207,5 kg og í réttstöðulyftu með 235 kg.

Stigahæst keppenda í unglingaflokki kvenna (U23) varð Andrea Agla Ögludóttir (KFR) með 301,4 Wilksstig, en hún varð einnig Íslandsmeistari í 84 kg flokki með 327,5 kg.

Stigahæstur keppenda í unglingaflokki karla (U23) varð Arnar Harðarson (AKR) með 385,9 Wilksstig, en hann varð einnig Íslandsmeistari í 93 kg flokki. Arnar bætti metin í hnébeygju með 225 kg og samanlögðum árangri með 612,5 kg.

Stigahæst kvenöldunga 1 (40-49) varð Sesselja Sigurborg Ómarsdóttir (KFR) með 320 Wilksstig, en hún varð jafnframt Íslandsmeistari í 63 kg flokki kvenna með 292,5 kg í samanlögðum árangri.

Stigahæstur karlöldunga 1 (40-49) varð Bjarki Þór Sigurðsson (AKR) með 379,6 Wilksstig, en hann varð jafnframt Íslandsmeistari í 120 kg flokki karla með 657,5 kg í samanlögðum árangri. Bjarki bætti Íslandsmetið í réttstöðulyftu karla með 280 kg.

Stigahæst kvenöldunga 2 (50-59) varð Sigþrúður Erla Arnarsdóttir (KFR) með 318,2 Wilksstig. Sigþrúður varð jafnframt Íslandsmeistari í 84+ kg flokki með 395 kg í samanlögðum árangri. Hún bætti Íslandsmetin í í öllum greinum, sem og í samanlögðum árangri.

Stigahæstur karlöldunga 2 (50-59) varð Helgi Briem (ÁRM) með 327,3 Wilksstig, sem jafnframt varð Íslandsmeistari í 93 kg flokki með 520 kg í samanlögðum árangri. Helgi bætti, líkt og Sigþrúður, metin í öllum greinum og auðvitað í samanlögðum árangri.

Stigahæst kvenöldunga 3 (60-69) varð Sigríður Dagmar Agnarsdóttir (KFR) með 290,3 Wilksstig. Hún varð Íslandsmeistari í 57 kg flokki. Hún bætti Íslandsmetin í öllum greinum og í samanlögðum árangri. Öll metin skrást einnig sem met í öldungaflokki 2 og þar að auki skráist metið í réttstöðulyftu sem met í öldungaflokki 1.

Stigahæstur karlöldunga 3 (60-69) varð Sæmundur Guðmundsson (BRE) með 280,5 Wilksstig. Sæmundur varð Íslandsmeistari í 74 kg flokki með 390 kg í samanlögðum árangri. Hann setti Íslandsmet í öllum greinum (í öllum gildum lyftum) sem og í samanlögðum árangri.

Í gagnabanka KRAFT má finna sundurliðuð úrslit og Íslandsmeistara í einstökum þyngdarflokkum.

Ragnheiður og Einar Örn Íslandsmeistarar í klassískum kraftlyftingum

Ragnheiður Kr. Sigurðardóttir (KFR) og Einar Örn Guðnason (AKR) urðu stigahæst á Íslandsmeistaramótinu í klassískum kraftlyftingum, sem fram fór í World Class Kringlunni í gær.

Ragnheiður keppti í 57 kg flokki, þar sem hún bætti Íslandsmet í öllum þremur greinum sem og í samanlögðum árangri. Hún tvíbætti Íslandsmetið í klassískri hnébeygju með 118 kg í annarri tilraun og 120 kg í þeirri þriðju. Í annarri tilraun í bekkpressu setti hún nýtt Íslandsmet með 80,5 kg. Í réttstöðulyftu tvíbætti hún Íslandsmetið með 152,5 kg í annarri tilraun og 157,5 kg í þriðju tilraun. Samanlagður árangur hennar með 358 kg er einnig nýtt Íslandsmet. Ragnheiður hlaut 416,6 Wilksstig, rúmum 16 stigum meira en Arnhildur Anna (KFR) og er því nýr Íslandsmeistari í klassískum kraftlyftingum kvenna á stigum.

Einar Örn keppti í 105 kg flokki, þar sem hann bætti Íslandsmetin í klassískri hnébeygju, bekkpressu og samanlögðum árangri. Með allar níu lyftur gildar lyfti hann mest 278 kg í hnébeygju, 186 kg í bekkpressu og 277,5 kg í réttstöðulyftu. Það gerir 741,5 kg í samanlögðum árangri. Hann fékk 444,5 Wilksstig, tæpum 30 stigum meira en Aron Friðrik (STJ), og er því nýr Íslandsmeistari í klassískum kraftlyftingum karla á stigum.

Kraftlyftingafélag Reykjavíkur (KFR) sigraði í stigakeppni kvennaliða með 54 stig og Stjarnan (STJ) sigraði í stigakeppni karlaliða með 44 stig.

Í gagnabanka KRAFT má finna sundurliðuð úrslit, Íslandsmeistara í þyngdarflokkum og metaskrá mótsins.

Skráning hafin á ÍM í kraftlyftingum (í búnaði)

Íslandsmeistaramót í kraftlyftingum í opnum flokki og Íslandsmeistaramót ungmenna og öldunga í kraftlyftingum verða haldin laugardaginn 22. apríl í Smáranum, Kópavogi, í umsjá Breiðabliks.

Skráningarfrestur er til miðnættis 1. apríl. Þá hafa félög frest til 8. apríl til að gera breytingar á þyngdarflokkum og ganga frá greiðslu keppnisgjalda.

Vakin er athygli á því að keppendur eru ekki hlutgengir á Íslandsmeistaramót nema hafa verið skráðir iðkendur í Felix í a.m.k. þrjá mánuði fyrir mótsdag. Einnig er athygli vakin á því að keppandi er ekki hlutgengur á ÍM í opnum flokki nema hafa náð lágmörkum.

Ath.: Keppandi keppir til verðlauna opnum flokki EÐA í þeim aldursflokki sem hann er skráður. Því er mikilvægt að skrá þessar upplýsingar rétt á skráningareyðublaðið.

Eyðublað: Eyðublað (PDF), Eyðublað (Word skjal)

Helgi Hauksson sæmdur gullmerki KRAFT

Borghildur Erlingsdóttir sæmdi Helga Hauksson gullmerki KRAFT

Helgi Hauksson, alþjóðadómari, var á kraftlyftingaþingi 26. febrúar sl. sæmdur gullmerki KRAFT með kransi. Fráfarandi formaður sambandsins, Borghildur Erlingsdóttir, rifjaði upp óeigingjarnt starf hans í þágu íþróttarinnar og sæmdi hann gullmerkinu fyrir hönd stjórnar. Var því fagnað af fundarmönnum með lófaklappi. Að því loknu þakkaði Helgi fyrir sig og hélt stutta ræðu þar sem hann fór yfir feril sinn í íþróttum og starfi innan íþróttarinnar. Continue reading

Rósa í fjórða sæti á sínu fyrsta EM

Mynd af Rósu BirgisdótturRósa Birgisdóttir (STO) var í dag síðust íslenskra keppenda til að stíga á pallinn í Danmörku á Evrópumeistaramótinu í klassískum kraftlyftingum, þar sem hún keppti í +84 kg flokki. Hún átti góðan dag og hafnaði í 4. sæti.

Rósa fór í gegnum hnébeygjuna með fullt hús hvítra ljósa og lyfti mest 160 kg. Í bekkpressu fékk hún 90 kg opnunarlyftu ógilda vegna tæknivillu. Hún tók svo sömu þyngd örugglega í annarri tilraun, en 92,5 kg í þeirri þriðju reyndist of mikið í dag. Í réttstöðunni lyfti hún 165 kg í fyrstu tilraun og 170 kg í annarri tilraun. Í þriðju tilraun reyndi hún við 177,5 kg sem fór ekki lengra en upp að hnjám. Samanlagður árangur Rósu, 420 kg, landaði henni 4. sætinu í flokkum.

Sigurvegari flokksins var Svíinn Emelie Pettersson með 547,5 kg.

Við óskum Rósu til hamingju með árangurinn!

Birgit með brons í beygjum

Birgit Rós Becker (BRE) hefur lokið keppni á EM í klassískum kraftlyftingum. Hún keppti í -72 kg flokki og náði bronsverðlaunum í hnébeygju. Vegna meiðsla tók hún aðeins eina létta tilraun í réttstöðunni og hafnaði í 9. sæti samanlagt.

Birgit fór nokkuð létt í gegn með allar þrjár tilraunir í hnébeygjunni og endaði á að jafna eigið Íslandsmet með 165 kg, en sú þyngd landaði henni bronsverðlaunum í greininni. Í bekkpressunni jafnaði hún sinn besta árangur í annarri tilraun með 77,5 kg, en hafði ekki 80 kg í þeirri þriðju. Vegna meiðsla tók Birgit aðeins eina létta tilraun með 75 kg í réttstöðunni. Hún hafnaði því í 9. sæti með 317,5 kg, sem er nokkuð langt frá hennar besta (402,5 kg).

Sigurvegarinn í flokknum var Svíinn Isabella von Weissenberg, sem sigraði á nýju Evrópumeti með 495 kg.

Birgit keppir á morgun

Önnur Íslendinga til að keppa á Evrópumeistaramótinu í klassískum kraftlyftingum er Birgit Rós Becker (BRE). Hún keppir í -72 kg flokki, en keppni  í þeim flokki og -63 kg hefst kl. 11:00 á morgun.

Þetta er annað Evrópumeistaramót Birgitar, en fyrir ári síðan hafnaði hún í 11. sæti í -72 kg flokki með 367,5 kg. Ef allt fer að óskum eru allar líkur á að henni takist að bæta þann árangur verulega.

Bein útsending