ÍM í klassískum kraftlyftingum og bekkpressu – ÚRSLIT

Íslandsmeistaramót í klassíkum kraftlyftingum

Íslandsmeistaramót í klassískum kraftlyftingum fór fram um helgina í Garðabæ. Alls mættu 33 keppendur til leiks og var stemningin góð í húsinu. Íslandsmet féllu og persónlegar bætingar voru á meðal keppenda.

Stigahæsta konan varð að þessu sinni Arna Ösp Gunnarsdóttir með 666.6 IPF stig. En Arna keppir fyrir Kraftlyftingafélag Mosfellsbæjar.

Stigahæsti karlinn var hann Friðbjörn Bragi Hlynsson með 671,1 IPF stig. Friðbjörn keppir einnig fyrir Kraftlyftingafélag Mosfellsbæjar.

Stigahæsta liðið í kvennaflokki var lið Massa Njarðvík.

Stigahæsta liðið í karlaflokki var lið Breiðabliks en mistök urðu á útreikningi og var bikarinn veittur Massa á keppnisstað en mjótt var á munum.

FULL ÚRSLIT

Íslandsmeistaramót í bekkpressu

Einnig fór fram Íslandsmeistaramót í bekkpressu í Garðabæ. Til leiks mættu 5 keppendur, fámennt en góðmennt.

Stigahæsta konan varð að þessu sinni Hulda B. Waage með 664,6 IPF stig. Hulda keppir fyrir Kraftlyftingafélag Akureyrar.

Stigahæsti karlinn var hann Einar Örn Guðnason með 612,9 IPF stig. Einar Örn keppir fyrir Kraftlyftingafélag Akraness.

FULL ÚRSLIT

Mótshaldarar á báðum mótum voru Lyftingadeild Stjörnunnar og Kraftlyftingadeild Breiðabliks með aðstoð frá Ármanni.

Guðfinnur með silfur

Guðfinnur Snær Magnússon keppti í dag á HM unglinga í kraftlyftingum sem fer fram í Regina, Kanada. Hann keppir í +120kg flokki unglinga (19-23 ára) en Guðfinnur hefur verið lengi í kraftlyftingum og er þaulreyndur keppandi.

Því miður gekk ekki nógu vel í hnébeygjunni hjá honum í dag. Styrkurinn var góður en lyfturnar voru dæmdar af á tæknigalla. Þá var það bekkpressan en þar lyfti hann 285kg sem gaf honum silfrið í flokknum og er það persónuleg bæting. Svo kláraði hann mótið á 290kg réttstöðulyftu sem var einnig silfurlyfta. Því var ekki allt ónýtt þótt beygjan hefði farið í vaskinn og kemur Guðfinnur heim með tvo silfurpeninga af mótinu.

Kraftlyftingasamband Íslands óskar honum innilega til hamingju með árangurinn!

Guðfinnur Snær í andanum! – Mynd úr safni

Sóley með heimsmeistaratitil

Sóley Margrét Jónsdóttir keppti í dag á HM unglinga í kraftlyftingum sem fer fram í Regina, Kanada. Sóley keppir í +84kg flokki stúlkna (14-18 ára) og er hún núverandi evrópumeistari í stúlknaflokki og var því víst að hún gæti verið til alls vís.

Í hnébeygjunni lyfti hún 255kg og tók þar örugglega gullið í hnébeygjunni með 25kg forskot á næsta keppanda. Í bekkpressunni lyfti hún 160kg og tók einnig gullið þar sem og íslandsmet. Þá kom að réttstöðulyftunni og lyfti hún þar 207,5 kg og þriðja gullið í höfn þar. Þetta gaf henni samanlagt 622,5kg og auðvitað gullið í flokknum.

Sóley hampar þar með heimsmeistaratitli stúlkna og má til gamans geta að hún var með hærra í samanlögðu en sigurvegarinn í aldursflokkinum fyrir ofan (19-23 ára)

Kraftlyftingasamband Íslands óskar henni innilega til hamingju með árangurinn!

Sóley með 4 gullpeninga um hálsinn. Frábær árangur!

Karl Anton hefur lokið keppni

Karl Anton Löve keppti í gær á HM unglinga sem fer fram í Regina, Kanada. Karl Anton keppir í -93kg flokki unglinga (19-23 ára). Karl er þaulvanur keppandi og mætti greinilega í góðum anda í mótið.

Í hnéybeygjunni lyfti hann 332,5kg, í bekkpressunni lyfti hann 220kg og í réttstöðulyftunni lyfti hann 277,5kg. Þetta gaf honum 830kg í samanlögðu og 6. sætið í hans flokki.

Karl Anton í hnébeygju! – Mynd úr safni

Kara hefur lokið keppni

Kara Gautadóttir keppti í gær á HM unglinga í kraftlyftingum sem fer fram í Regina, Kanada. Kara keppti í -57kg flokki unglinga. Í hnébeygjunni tókst henni því miður ekki að fá gilda lyftu en hún lét það ekki á sig fá og lyfti 80kg í bekkpressu og svo 142,5kg í réttstöðulyftu. Hún var grátlega nálægt bronsverðlaunum í réttstöðulyftunni en aðeins 2,5kg munaði á 4. og 3. sæti.

Kara að lyfta
Kara Gautadóttir. Mynd frá EPF

ÍM í réttstöðu – Úrslit

Íslandsmeistaramótið í réttstöðulyftu fór fram í Fífunni Kópavogi í gær. Mótshaldari var Breiðablik.

38 keppendur mættu mættu til leiks og var stemningin góð í húsinu. Reynt var við íslandsmet og féllu 2 í gær en það voru María Guðsteinsdóttir og Aron Ingi Gautason sem tóku þau. Óskar KRAFT þeim til hamingju með árangurinn.

Stigahæsta liðið á mótinu var lið Breiðabliks.

Full úrslit má sjá hér: ÚRSLIT

Halldór Jens hefur lokið keppni

Halldór Jens Vilhjálmsson keppti í gær á HM í klassískum kraftlyftingum sem fer fram í Helsingborg, Svíþjóð. Halldór keppir í -105kg flokki unglinga (19 – 23 ára). Í hnébeygjunni lyfti hann 235kg. Í bekkpressunni lyfti hann 147,5kg og svo lyfti hann 240kg í réttstöðulyftu. Þetta gaf honum 622,5 kg í samanlögðu og 13. sætið í sínum flokk.

Þetta er hans fyrsta mót á erlendri grundu og dýrmæt reynsla komin í bankann.

Halldór Jens (t.h) og Aron Friðrik

Sæmundur hefur lokið keppni

Sæmundur Guðmundsson hefur lokið keppni á HM í klassískum kraftlyftingum sem fer fram í Helsingborg, Svíþjóð.

Sæmundur keppir í -74kg flokki í masters III (60-69 ára). Sæmundur lyftir 130kg í hnébeygjunni, 80kg í bekkpressunni og svo 170kg í réttstöðulyftunni. Þetta gaf honum 380kg í samanlögðu og 12. sætið í sínum flokki.

Sæmundur í keppnisgallanum!

Sigþrúður og Dagmar báðar með bronsverðlaun

HM í klassískum kraftlyftingum er farið af stað í Helsingborg, Svíþjóð. Í dag stigu á pallinn tvær íslenskar konur, þær Sigþrúður Erla Arnardóttir og Sigríður Dagmar Agnarsdóttir.

Sigþrúður Erla Arnardóttir

Sigþrúður Erla keppir í +84kg flokki kvenna masters II (50-59 ára). Hún tók þriðja sætið í fyrra og það var ekki annað í stöðunni en að verja það núna. Hún lyfti 165kg í hnébeygju sem er jöfnun á hennar besta árangri. Í bekkpressunni gerði hún sér lítið fyrir og lyfti 95kg sem er evrópumet í masters II. Þá var bara að klára mótið og lyfti hún 180kg í réttstöðulyftunni. Þetta gaf henni 440kg í samanlögðu sem er nýtt evrópumet í samanlögðu og bronsverðlaun í samanlögðu.

Kraftlyftingasamband Íslands óskar henni innilega til hamingju með árangurinn!

Sigríður Dagmar Agnarsdóttir

Sigríður Dagmar keppir í -57kg flokki kvenna masters III (60-69 ára). Hún Dagmar lyfti í hnébeygjunni 85kg. Í bekkpressunni lyfti hún 42,5kg. Í réttstöðulyftunni lyfti hún svo 120kg sem gaf henni bronsverðlaunin í greininni. Þetta gaf henni 247,5kg í samanlögðu og var hún í 5. sæti í flokknum.

Kraftlyftingasamband Íslands óskar henni innilega til hamingju með árangurinn!

Þær stöllur með bronspeningana. Dagmar tv. og Sigþrúður t.h.

Miðvikudaginn 5.júni keppir Sæmundur Guðmundsson í -74 kg flokki M3 og sunnudaginn næstkomandi keppir svo Halldór Jens Vilhjálmsson í -105kg flokki unglinga. Hægt verður að fylgjast með á goodlift.

Alexandrea með bronsverðlaun

Alexandrea Rán Guðnýjardóttir keppti í dag á heimsmeistaramótinu í bekkpressu sem fer fram í Tókýó, Japan. Alexandrea keppir í klassískri bekkpressu í -57kg flokki unglinga. Hún tók 67,5kg í fyrstu lyftu. Í annari lyftu lyfti hún 72,5kg og bætti þar sinn besta árangur um 2,5kg og í leiðinni íslandsmetið um 2,5kg. Þá var lítið annað að gera en að biðja um 75kg á stöngina sem fóru upp og tryggðu henni bronsverðlaun og nýtt íslandsmet í leiðinni.

Kraftlyftingasamband Íslands óskar henni innilega til hamingju með árangurinn.

Alexandrea með bronspening um hálsinn (t.v.)

Þá hafa allir íslensku keppendurnir lokið keppni á HM í klassískri bekkpressu. María Guðsteinsdóttir mun svo keppa í búnaðarbekkpressu á miðvikudaginn.

Íslenski hópurinn á HM í bekkpressu. Frá vinstri: Arna Ösp Gunnarsdóttir, María Guðsteinsdóttir og Alexandrea Rán Guðnýjardóttir