Arnold Classic

Auðunn Jónsson, kraftlyftingamaður Íslands 2010 og einn af bestu kraftlyftingamönnum heims verður meðal keppenda á Arnold Classic ProDeadlift réttstöðumóti í Columbus Ohio 5.mars nk.
Keppnin er liður í Arnold Sports Festival, ein af stærstu íþróttasamkomum í Bandaríkjunum og þó víðar væri leitað. Heildarmótið er stórt í sniðum og glæsilegt að hætti heimamanna, keppt er í mörgum greinum og draumur margra að fá að vera með, en til réttstöðukeppninnar eru boðnir fáir útvaldir hverju sinni.  Her má sjá lista yfir keppendur 2011.

Réttstöðukeppnin fer fram á aðalsviði laugardaginn 5.mars.

Auðunn er að leggja lokahönd á undirbúninginn fyrir mótið og segist hlakka míkið til. Hann á von á harðri keppni en er í ágætu formi og bjartsýnn á góðan árangur.

Ríkissjónvarpið tók hús á honum á síðustu æfingu og verður viðtalið væntanlega sýnt í þættinum Sportið á morgunn þriðjudag kl. 20.05.

Við óskum Auðunni góðrar ferðar og góðs gengis.

Leave a Reply