Monthly Archives: July 2012

Þjálfari 1

Posted on by

Kraftlyftingasamband Íslands ætlar að bjóða upp á sérgreinahlutann í Þjálfara 1 námi ÍSÍ í haust. Þetta er í fyrsta sinn sem boðið verður upp á sérhæft nám fyrir kraftlyftingaþjálfara og lítur KRAFT á það sem undirstöðuatriði í áframhaldandi uppbyggingu íþróttarinnar að öll félög eignist menntaðan þjálfara.
Nauðsynlegur undanfari sérgreinahlutans er almenni hluti þjálfara 1 hjá ÍSÍ, eða annað sambærilegt nám sem ÍSÍ metur jafngilt.

Námið er 60 tímar og skiptist svona:
- Skyndihjálparnámskeið – 16 tímar
- Keppnisreglur IPF og KRAFT, lög og reglugerðir KRAFT – 10 tímar
- Þjálfun. (Tækni, greining/ástandsmat keppandans, skipulag æfingatíma. leikfræði/taktík,  rétt næring, notkun búnaðar, undirbúningur og aðstoð í keppni) – 34 tímar

Námskeiðið hefst  dagana 20-23 september, en þá kemur mjög fær fyrirlesara frá norska sambandinu og kennir þjálfun.
Skráning hefst fljótlega og fer fram gegnum félögin.  Þetta er gert til að tryggja að menntunin nýtist þeim til uppbyggingar, og að þeir sem fara í námið á vegum síns félags skili þekkinguna inn í hópinn. Þeir sem hafa áhuga á að vera með ættu að hafa samband við sitt félag og taka helgina 20-23 september frá.

Unglingalandslið 2013

Posted on by
Reply

Norðurlandamót drengja/stúlkna (14 – 18 ára) og unglinga (19 – 23 ára) verður haldið á Íslandi 23 – 24 febrúar nk.

Kraftlyftingasambandið vill nota þetta tækifæri til að vekja athygli á íþróttina og gefa ungum kraftlyftingamönnum hvatningu til bætinga. Það er  stefna landsliðsnefndar að gefa sem flestum ungum íslenskum kraftlyftingamönnum tækifæri til að vera með og keppa á heimavelli, en 11 strákar og 10 stúlkur mega taka þátt frá hverju landi.

Landsliðnefndin hefur beðið félögin um aðstoð við að finna efnileg ungmenni sem eiga erindi í keppnina. Þeir sem hafa áhuga á að spreyta sig og vilja komast í hópinn ættu að hafa samband við sitt félag sem allra fyrst.

Lika er hægt að hafa beint samband við Guðjón,  861 4419, Kára 695 3348 eða Grétar coach@kraft.is til að koma sér á framfæri.

 

Mótaskrá 2013

Posted on by
Reply

Tímabært er fyrir kraftlyftingafélög að fara að huga að mótahald næsta keppnistímabils.
Óskir um að fá mót skráð á mótaskrá 2013 þurfa að berast mótanefnd fyrir 1.september.

Á þessu ári urðu þau nýmæli að tvö félög tóku sig saman og héldu sameiginlegt mót og er það möguleiki sem vert gæti verið að skoða fyrir fleiri.

Ljóst er að Kraftlyftingadeild Ármanns mun ekki halda réttstöðumót í tengslum við Reykjavik International Games á næsta ári.
Þetta hafa verið skemmtileg mót sem hafa vakið athygli á íþróttina og KRAFT vill sérstaklega benda á tækifærið til að taka við af Ármenningum og halda mót á Reykjavíkurleikunum 2013.

Fannar er Evrópumeistari.

Posted on by
Reply

Fannar átti góðan dag á keppnispallinum í Pilzen og gerði sér lítið fyrir og vann til gullverðlauna á Evrópumeistaramóti  öldunga í kraftlyftingum. Fannar sem keppti í -120 kg flokki (M1) lyfti 310 kg í hnébeygjunni og tryggði sér bronsverðlaun í þeirri grein. Í bekkpressunni gerði hann enn betur og nældi sér í gullverðlaun með 247.5 kg lyftu og í réttstöðunni lyfti hann 295 kg sem gaf honum bronsið. Eftir tvær fyrstu greinarnar var Fannar í öðru sæti og einungis 7,5 kg munur á milli hans og Rússans Burmistrov. Lokaspretturinn var mjög spennandi en Fannar hækkaði byrjunarþyngd sína í réttstöðunni og leiddi keppnina eftir það. Þegar Burmistrov mistókst síðan við lokaþyngd sína í réttstöðunni þá varð ljóst að Fannar var orðinn Evrópumeistari með 852,5 kg í samanlögðum árangri en Burmistrov varð í öðru sæti með 850 kg. Við óskum Fannari til hamingju með frábæran árangur.

 

Halldór vann til bronsverðlauna

Posted on by
Reply

Halldór Eyþórsson vann í dag bronsverðlaun á EM öldunga í kraftlyftingum.
Hann lenti í þriðja sæti í -83,0 kg flokki karla 50-60 ára með samtals 637,5 kg.
HEILDARÚRSLIT

Halldór fékk auk þess silfurverðlaun í hnébeygju með 252,5 kg. Í bekk tók Halldór 140 kg og átti tvær tilraunir við 145,0 kg en það reyndist of þungt í dag.
Í réttstöðu lyfti Halldór 245 kg. Honum mistókst við 250 kg í þriðju tilraun og hann varð þess vegna að naga neglurnar og bíða á meðan keppninautar hans gerðu harða atlögu að bronsinu.
Á endanum reyndist Halldór vera sá sterkasti og við getum  óskað honum til hamingju með bronsið, hann er vel að verðlaunum kominn.

Erik Rasmussen fra Danmörku sigraði í flokknum með 692,5 kg.

Sæmundur hefur lokið keppni

Posted on by
Reply

Sæmundur Guðmundsson, Breiðablik, lauk í dag keppni á EM öldunga í Tékklandi.

Sæmundur lyfti í -66,0 kg flokki karla M3.

Honum gékk því miður ekki sem skyldi á mótinu og fékk eingöngu tvær gildar lyftur í gegn. Í beygju reyndi hann þrisvar við 150,0 kg en fékk ógilt í öll skipti vegna tæknimistaka. Á bekknum lyfti hann 90,0 kg í fyrstu tilraun örugglega en mistókst svo tvisvar með 100 kg. Í réttstöðu opnaði hann í  170,0 kg en mistókst tvisvar með 182,5 kg.
Sæmundur  fékk þess vegna engan samanlagðan árangur á sínu fyrsta alþjóðamóti.

Það eru vonbrigði fyrir Sæmund að ná ekki að klára mótið eins og til stóð, en við getum óskað honum til hamingju með tvenn bronsverðlaun, í bekkpressu og réttstöðulyftu.

Það er gaman að stíga á verðlaunapall með íslenska fánann á bringunni. Vonandi verður sú reynslu bæði huggun og hvatning fyrir hann í framhaldinu.