Í dag var Flensborgardagurinn haldinn hátíðlegur í framhaldsskólanum í Hafnarfirði. Þar fór fram kynning á mörgum mismunandi valkostum fyrir þá sem vilja hreyfa sig og lifa heilbrigðu lífi.
Kraftlyftingar var meðal þeirra íþróttagreina sem voru kynntar, en félagar úr Kraftlyftingafélagi Garðabæjar sáu um kynninguna.
Nú stendur yfir í Canada heimsmeistaramót öldunga í kraftlyftingum.
Hægt er að fylgjast með mótinu í beinni vefútsendingu hér: http://goodlift.info/live/onlineside.html
Mótinu lýkur á laugardag.
Kraftlyftingafélög sem ætla að senda keppendur á bikarmótið á Akureyri 26.nóvember nk verða að ganga úr skugga um að keppendur séu rétt skráðir félagsmenn.
Samkvæmt reglugerð verða keppendur að vera skráðir í Felix í síðasta lagi 30 dögum áður en SKRÁNINGARFRESTUR RENNUR ÚT, eða fyrir 26.september.
Skráning á mótið hefst fljótlega en skráningarfrestur er til 26.oktober nk.
Kraftlyftingafélag Garðabæjar, Heiðrún, hélt aðalfund sinn sunnudaginn 18.september.
Þar fóru fram venjuleg aðalfundarstörf, skýrslur lagðar fram og reikningar samþykktir.
Nýkjörin stjórn skipa :
Formaður: Alexander Ingi Olsen
Gjaldkeri/Varaformaður: Jón Sævar Brynjólfsson
Ritari: Tómas Dan Jónsson
Aðalstjórn íþróttafélagsins Gróttu á Seltjarnarnesi samþykkti á fundi sínum 8.ágúst sl að hefja undirbúning að stofnun kraftlyftingadeildar. Það starf er í fullum gangi og verður tillaga um stofnun deildarinnar lögð fyrir aðalfund félagsins til formlegrar samþykktar í vor.
Félagið hefur þegar hafið skráningu kraftlyftingaiðkenda í Felix og óskað eftir því við KRAFT að þeir fái að keppa í nafni Gróttu. Kraftlyftingasambandið hefur samþykkt þessa beiðni og geta menn því átt von á að mæta Gróttukonum og -mönnum á næstu mótum.
Vestur-Evrópukeppnin í kraftlyftingum fer fram í Hollandi dagana 16. og 17. september nk.
Continue reading
Stjórn Ungmennafélags Stokkseyrar stofnaði kraftlyftingadeild á fundi sínum 12.ágúst sl og hefur stjórn KRAFT samþykkt inngöngu hennar í Kraftlyftingasamband Íslands. Deildin er skipuð eigin stjórn og hefur eigin fjárhag, en heyrir að öðru leyti undir stjórn Ungmennafélagsins. Formaður deildarinnar er Arnþór Jónsson og er fyrsta verkefni stjórnar að bæta tækakost og æfingaraðstöðu félagsmanna.
Kraftlyftingasamband Íslands óskar Stokkseyringum til hamingju með nýju deildina og velkomna í ört vaxandi hóp þeirra sem leggja stund á kraftlyftingar innan ÍSÍ.
Júlían J.K. Jóhannsson lauk í dag keppni í +120,0 kg flokki á HM drengja í Canada, en draumur hans um sæti á verðlaunapalli rættist því miður ekki.
Júlían náði ekki dýpt í beygjunum og féll úr heildarkeppninni með þrjár ógildar tilraunir við 285,0 kg. Hann deildi þar örlög með þremur öðrum drengjum í flokknum, og ljóst var eftir fyrstu grein hverjir myndu skipta með sér góðmálmana.
Eftir þessari óskemmtilegu lífsreynslu tók Júlían sig saman í andlitinu og kláraði 195,0 kg örugglega á bekknum, en það er 5 kg yfir hans besta árangur til þessa og íslandsmet drengja í bekkpressu “single lift”. Þessi lyfta dugði honum til silfurs í greininni. Vonin um gull lifði reyndar lengi, þar sem hinn ógurlegi Norbert Mikula frá Ungverjalandi þurfti þrjár tilraunir í 285,0 kg, nýtt heimsmet drengja.
Réttstaðalyftan er sterkasta grein Júlíans og þar skildi hann keppinauta sína eftir strax í fyrstu umferð. Hann kláraði 287,5 og 300 kg mjög örugglega og vann gullverðlaun þar með. Síðasta lyftan hans var 310,0 kg og fór upp mjög örugglega, en ekki eins fallega niður. Hann missti hana úr höndunum á síðustu sekúndu og fékk hana ógilda.
Heimsmeistari varð Norbert Mikula, Ungverjalandi, með 860,0 kg.
Júlían kemur heim reynslunni ríkari. Að falla úr keppni er reynsla sem keppandi helst vill vera án en sem hægt er að læra af. Beygjutækni verður eflaust ofarlega á verkefnalista Júlíans á næstunni – en í þetta sinn var það hún sem eyðilagði fyrir hann.
Við óskum honum til hamingju með góðan árangur í hinum greinunum og verðskulduð verðlaun í þeim.
Klukkan 16.00 í dag, sunnudag, hefst keppnin í +120,0 kg flokki drengja, en þar er Júlían J.K. Jóhannsson meðal keppenda.
Keppendalisti
Júlían mætir vel undirbúinn til leiks og stefnir á bætingum í öllum greinum. Hann mætir erfiðum keppinautum í sínum flokki, en á góða möguleika á að berjast um verðlaun. Honum til aðstoðar er Birgir Viðarsson.
Vonandi mun Júlían eiga góðan dag. Við sendum okkar bestu óskir.
Bein útsending er frá mótinu hér: http://goodlift.info/live/onlineside.html.
Kastljós RÚV gerði sér ferð í æfingaraðstöðu Breiðabliks um daginn og tók skemmtilegt viðtal við Júlían Jóhannsson sem nú er í Kanada á HM unglinga.
Sjá má viðtalið hér http://dagskra.ruv.is/sjonvarpid/4605431/2011/09/02/1/