Monthly Archives: April 2011

EM framundan

Posted on by
Reply

Evrópumótið í kraftlyftingum fer fram í Pilzen í Tékklandi 3. – 7. maí nk. 165 íþróttamenn frá 25 löndum munum keppa á mótinu og má gera ráð fyrir keppni í hæsta gæðaflokki. Nú er keppt í nýjum þyngdaflokkum og verður spennandi að sjá hvernig menn hafa aðlagast þeim.

Frá Íslandi fara tveir keppendur. Auðunn Jónsson, Breiðablik, keppir í 120,0+ flokki síðdegis á laugardeginum. María Guðsteinsdóttir, Ármanni, keppir í -63,0 kg flokki síðdegis á miðvikudeginum, en hún hefur þurft að létta sig töluvert til að komast niður í þennan þyngdarflokk. Þau mæta bæði öflugum andstæðingum en eru í góðu formi og án meiðsla og við búumst við góðu af þeim.

Auk þeirra fara til Tékklands Sigurjón Pétursson, formaður Kraftlyftingasambands Íslands, sem ætlar að sitja þing EPF, Hörður Magnússon sem ætlar að dæma á mótinu og endurnýja alþjóðaréttindi sín sem dómari og Klaus Jensen sem ætlar að taka dómaraprófið til að öðlast slík réttindi. Hann ætlar þess utan að aðstoða Maríu, en aðstoðarmaður Auðuns er Vigfús Kröyer.

Bein vefútsending verður frá mótinu.
HEIMASÍÐA MÓTSINS

Grétar vann bronsið

Posted on by
Reply

Grétar Skúli Gunnarsson vann til bronsverðlauna í 120,0+ kg flokki á Norðurlandamóti unglinga í Svíþjóð í dag.
Hann lyfti samtals 740,0 kg.
Í hnébeygju gekk honum ekki sérlega vel. Hann fékk samtals tvö hvít ljós í öllum beygjunum, en sem betur fer voru þau bæði í sömu lyftunni! Hann kláraði byrjunarþyngdina 270 kg, en mistókst tvisvar með 290 kg. Í bekknum opnaði hann á 190 kg og tók svo 200 kg sem er nýtt Íslandsmet unglinga. 210 kg reyndist of þungt í þriðju tilraun. Í réttstöðunni tók hann 270 í fyrstu tilraun, en nú var þreytan farin að segja til sín og mistókst honum tvisvar með 300 kg. 
Við óskum honum til hamingju með verðlaunin og Íslandsmetið.
Sigurvegari í flokknum var norðmaðurinn Niklas Zellin með 880 kg.
Heildarúrslit

Það er lærdómsríkt að taka þátt í slíku móti og Grétar kemur heim með reynslu sem fáir af hans jafnöldrum hefur.  Nú er málið að læra af henni og nýta sér hana í áframhaldandi bætingar.
Við óskum þeim félögum Grétari og Rúnari góðrar ferðar heim með verðlaunapeninginn í farteskinu.

Grétar Skúli keppir á laugardaginn

Posted on by
Reply

Á laugardaginn fer fram Norðurlandamót unglinga í Nässjö í Svíþjóð. 47 keppendur eru skráðir til leiks og frá Íslandi mætir Grétar Skúli Gunnarsson, KFA. Hann keppir í flokki unglinga 120,0+ kg og fær þar harða samkeppni frá Alexander Doverlid (780,0 kg) og Niklas Zellin (867,5). Grétar á best 762,5 kg sem hann lyfti á Akureyrarmótinu í fyrra.
Rúnar Friðriksson er aðstoðarmaður Grétars.

Við óskum þeim góðs gengis og munum fylgjast grannt með gangi mála. Úrslit og fréttir af mótinu mun birtast á  heimasíðu NPF

HM öldunga lauk í gær

Posted on by
Reply

Heimsmeistaramót öldunga í bekkpressu hefur staðið yfir í Rödby í Danmörku undanfarna daga og lauk í gær.
Gríðarleg þátttaka var á mótinu, en 192 karlar og 55 konur mættu til leiks í hinum ýmsum aldursflokkum.
Góður árangur var á mótinu og féllu nokkur heimsmet. Stigahæstur allra karla var norðmaðurinn Kjell Furesund sem lyfti 312,5 kg í 120.0+ kg flokki MI en Deborah Ferrell var stigahæst allra kvenna með 172,5 kg í 84,0+ kg flokki MI.

Hér má sjá heildarúrslit, met og myndir: http://ipf-bench-2011.dk/index.php

Enginn Íslendingur tók þátt í mótinu að þessu sinni, en vonandi verður bætt úr því á næstu árum. Dæmin sanna að það er aldrei of seint að vera með, elsta konan var 67 ára gömul, en aldursforsetinn í  karlaflokki var fæddur 1922!

Norðurlandamót unglinga

Posted on by
Reply

Framundan er Norðurlandamót unglinga 2011. Það fer fram í Nässjö í Svíþjóð laugardaginn 23. apríl nk og mæta 47 ungmenni frá öllum norðurlöndunum til leiks, þar af 12 keppendur í kvennaflokki.
Einn íslenskur keppandi tekur þátt að þessu sinni, Grétar Skúli Gunnarsson, KFA. Grétar á best 762,5 kg sem hann lyfti á Akureyrarmótinu í fyrra. Hann keppir í +120,0 kg flokki unglinga og mætir þar Alexander Doverlid (780,0 kg) og Niklas Zellin (867,5). Þetta er fyrsta stórmót Grétars og frábært tækifæri fyrir hann til að bæta sig og læra, og berjast um titilinn við jafnaldra sína.
Keppendalisti og upplýsingar um mótið má finna á heimasíðu NPF

íþróttaþing ÍSÍ

Posted on by
Reply

70. íþróttaþing ÍSÍ fer fram 8. og 9. apríl nk og er nú Kraftlyftingasamband Íslands meðal þátttakenda í fyrsta sinn. Fulltrúar KRAFT voru kjörnir á þingi í janúar og eru Sigurjón Pétursson, formaður, og Guðjón Hafliðason, varaformaður.

Allar upplýsingar um þingið og mál sem þar verða tekin fyrir má finna á heimasíðu ÍSÍ.

Fræðsluráðstefna um lyfjaeftirlitsmál

Posted on by
Reply

Lyfjaeftirlit Íþrótta- og Ólympíusambands Íslands og Kraftlyftingadeild Breiðabliks halda fræðsluráðstefnu  um lyfjaeftirlitsmál – á morgun laugardaginn 16. apríl nk  kl. 16.30-19.00.
Ráðstefnan er haldin  í Veitingasalnum á 2. hæð í Aðalíþróttahúsnæði Breiðabliks,  Dalsmára 5, Kópavogi,.

Ráðstefnan er opin öllum löglegum félögum Kraftlyftingadeildar og félagsmönnum aðildarfélaga Kraftlyftingasambands Íslands sem og félagsmönnum annarra deilda Breiðabliks, eins og húsrými leyfir.

DAGSKRÁ:

I.      Setning FRÆÐSLURÁÐSTEFNU um lyfjaeftirlitsmál
II.     Fræðsluerindi hr. Örvars Ólafssonar, verkefnisstjóra Lyfjaeftirltis ÍSÍ.
III.    Fræðsluerindi hr. Skúla Skúlasonar, formanns Lyfjaráðs ÍSÍ
IV.     Fyrirspurnir áheyrenda og svör þeirra er fræðsluerindi flytja: Umræður um ályktanir
V.      Samantekt FRÆÐSLURÁÐSTEFNU um lyfjaeftirlitsmál: Niðurstöður og ályktanir
VI.     Ráðstefnuslit

Aðgangur er ókeypis. Kaffiveitingar.

KRAFT fagnar þessu framtaki Kraftlyftingadeildar Breiðabliks og hvetur félagsmenn sína til að sækja ráðstefnuna og vera vel upplýst um þessi mikilvægu mál.