Búið er að birta myndir frá EM í kraftlyftingum í vor á myndasíðuna.
Nýjar myndir
Reply
Monthly Archives: June 2010
EM öldunga lokið
Fannar Dagbjartsson hafði því miður ekki erindi sem erfiði á EM öldunga sem lauk í Tékklandi í dag.
Hann féll úr í hnébeygju og fékk heldur ekki gilda lyftu á bekknum. Reyndar var míkið mannfall í flokki hans, -110,0 kg M1, fjórir keppendur féllu úr keppni. Sigurvegari var svíinn Håkan Persson með 815,0 kg. HEILDARÚRSLIT
Menn geta séð upptökur af lyftunum hér: http://www.madness.cz/ex/livetv.php og reynt að ráða í hvað hafi farið úrskeiðis.
Það er fátt leiðinlegra en að falla úr keppni á tækniatriðum, þá reynir á innra styrkinn. Ef Fannar hefur hann í sama mæli og vöðvastyrk, verða ófarirnar hvatning til að koma sterkur tilbaka næst.
Goodlift
Í tilefni af 60-ára afmæli formanns KRAFT tóku kraftlyftingafélögin í landinu og nokkrir vinir Sigurjóns úr hópi áhugamanna um íþróttina sig saman og gáfu KRAFT veglega gjöf honum til heiðurs. Um er að ræða mótstjórnarforritið Goodlift. Þessi gjöf mun væntanleg nýtast öllum keppendum, öllum félögum og öllum áhorfendum í framtíðinni og gera mótin auðveldara í framkvæmd og aðgengilegri fyrir áhorfendur.
Gjöfinni fylgja heillaóskir til formanns og þakkir fyrir hans störf í þágu íþróttarinnar.
EM öldunga
Evrópumót öldunga í kraftlyftingum er hafið í Tékklandi. Fannar Dagbjartsson keppir fyrir hönd Íslands í flokki -110,0 kg M1 laugardaginn 26. júní. Við óskum honum alls hins besta, en hægt er að fylgjast með Fannari og öðrum keppendum í beinni útsendingu á netinu HÉR.
Úrslit og aðrar upplýsingar má finna á heimasíðu EPF.
Árnað heilla!
Sigurjón Pétursson, formaður KRAFT, er sextugur í dag. Stjórn KRAFT, fyrir hönd kraftlyftingaáhugamanna allra, sendir honum heillaóskir á þessum tímamótum. Kveðjunni fylgja þakkir fyrir fórnfúst starf í þágu KRAFT, kraftlyftinga- og íþróttaáhugamönnum öllum í landinu til heilla.
Kveðjunni fylgir líka ábending um að reglubundin styrktarþjálfun er undirstaða heilbrigðis á efri árum 
Fannar keppir á EM
EM öldunga hefst í Tékklandi 22. júni. Fannar Gauti Dagbjartsson keppir fyrir hönd Íslands í -110,0 kg flokki karla 40 – 49 ára laugardaginn 26. júni.
Fannar hefur undirbúið sig vel undir mótið og ætti að geta barist um verðlaun í þessum fjölmenna flokki á góðum degi. Vonandi situr Kópavogsmótið ekki lengur í honum.
Við munum fylgjast náið með gang mála hér á kraft.is og óskum Fannari góðs gengis á Evrópumótinu.
EM unglinga – úrslit
EM unglinga lauk um helgina og var árangurinn gríðarlega góður í mörgum, ef ekki öllum flokkum.
Mörg met voru sett á mótinu. HÉR má sjá heildarúrslit.
Mótaskrá 2011
Byrjað er að vinna mótaskrá fyrir næsta keppnistímabil og má sjá drög að henni undir MÓT.
Stjórnin hvetur félögum eindregið til að huga að mótahald sem fyrst og taka frá dögum strax, þó að frestur til að fá mót skráð renni ekki út fyrr en 1. september.
Það er allt sem mælir með því að halda mót:
- félagsmenn fá að keppa á heimavelli
- undirbúningur og framkvæmd þjappar hópinn saman og styrkir félagsandann, allir fá hlutverk
- vel undirbúið mót getur gefið vel í kassann, smbr. nýafstaðið Kópavogsmót sem skildi eftir 150.000 hjá Breiðabliki og ÍM í bekkpressu á Akranesi sem gaf enn betur.
Ósk um að fá mót á mótaskrá sendist kraft@kraft.is
Fundargerð 080610
Stjórnarfundur 8.júni 2010
EM unglinga – bein útsending
Evrópurmót unglinga stendur nú yfir í Noregi. Bein útsending er frá mótinu hér: